कयौ बर्ष बिते पत्तै पाईन,
रहर हुदाहुदै पनि बाध्यताले
म यसपाली पनि घर आईन !
माया त कत्ति छ कत्ति यो मनमा ,
देखाऊ कसरी म अहिले !
दिदी भाई भलाकुसारी गरौला
म घर आउला जहिले।
असीम चाहना हुदाहुदै पनि,
म फोन गर्नै सक्दिन !
फोनको घन्टी बजेपछि
यो गला अवरुद्ध भई
म बोल्नै सक्दिन !
नभन्नु मलाई भाई,
स्वार्थी भयो भनेर !
म फर्की आउछु चाडै
सबको ऋण गनेर।
यो निधार खाली भा
दशकौ भईसक्यो !
अब त घर कहिले जाने होला,
आशै गईसक्यो !
म चाडै फर्की आउछु दिदी
पर्खी बस है !
न्यानो माया बोकी आउछु
सम्झी बस है !
यसपाली आउन पाईन दिदी
भाई स्वार्थी भयो न भन है।
भेट्ने त कत्ति हो कत्ति थियो चाहना,
दिदि, तिमीलाई परदेशबाट भाईटिकाको शुभकामना।
#गणेश पाण्डेय (पोर्तुगल )
