काठमाडौं ।
गैरआवासीय नेपाली संघ (एनआरएनए)ले आफ्नो भवन बनेको स्थान बालुवाटारको जग्गा किन्दा अरु नेपालीहरुजस्तै आफू पनि ठगिएको जनाएको छ । बालुवाटारको जग्गा लालपुर्जासहित किन्दा पनि सो जग्गा विवादमा रहेको पछिमात्रै आफूहरुले थाहा पाएको संघका महासचिव बद्री केसीले बताए ।
संघको नवौं विश्व सम्मेलनबारे जानकारी दिन सोमबार काठमाडौंमा आयोजित पत्रकार सम्मेलनका अवसरमा केसीले १२ करोड ५० लाख रुपैयाँमा जग्गा खरिद गरिएको स्पस्ट पारे । भवन निर्माण गर्दा ५० लाख रुपैयाँ कर सरकारले मिनाहा गरेको महासचिव केसीले जानकारी दिए ।
अहिलेसम्म पनि जग्गा संस्थाकै नाममा रहेकोसमेत उनले जिकिर गरे ।
