लिस्बन।
पोर्चुगल सरकारले न्युनतम मासिक तलबमा वृद्धि गरेको छ।
आज मंगलबार राष्ट्रिय न्यूनतम तलबलाई सरकारले ६६५ यूरो अनुमोदन गरेको छ ।
यो साबिकको तलबमा ३० युरोले बढी हो। नयाँ न्युनतम तलब १ जनवरी २०२१ देखि लागू हुनेछ।
आज मन्त्रिपरिषदको बैठकमा उक्त घोषणा मन्त्री मारियाना भियरा डा सिल्भा र सामाजिक सुरक्षा राज्य सचिवले गरेका थिए।
प्रधानमन्त्री एन्तोनियो कोस्ताको कार्यकालमा यो दोश्रो ठुलो तलब वृद्धि हो।
कोस्ताले सन् २०२३ सम्ममा न्युनतम तलब ७५० युरो पुर्याउने लक्ष्य लिएका छन्।
