काठमाडौं उपत्यकामा निषेधाज्ञा थप एक साता बढाउने तयारी भएको छ । कोरोनाभाइरस संक्रमणमा उल्लेखनीय कमी नभएको र अझै केही समय परिस्थितीलाई हेर्नुपर्ने भएकाले निषेधाज्ञा एक साता लम्ब्याउने तयारी गरिएको काठमाडौंका प्रमुख जिल्ला अधिकारी कालिप्रसाद पराजुलीले जानकारी दिए ।
आज ललितपुर, भक्तपुर र काठमाडौंका प्रमुख जिल्ला अधिकारीहरुको बैठक बस्दै छ । निषेधाज्ञा थप गर्ने निर्णय गर्नेछ तर खाद्य तथा किराना पसल खुलाउन दिने तयारी भएको छ ।
