आगामी जेठ ११ लाई प्रदर्शन मिति तय गरेको फिल्म ‘ब्ल्याक’ को दोश्रो गीत रिलिज भएको छ । सार्वजनिक ‘पल पल हरपल’ बोलको गीतमा लिड कलाकार आकाश श्रेष्ठ र आँचल शर्मा फिचर छन् । आकाशको अँगालोमा आँचललाई बोल्ड अबतारमा देख्न सकिन्छ ।मुस्ताङको आकर्षक लोकेशनमा छायाँकन गरिएको गीतमा कोरियोग्राफी रामजी लामिछानेले गरेका छन् । लामिछानेले आकाश र आँचलको जोडीलाई सुन्दर रुपमा पर्दामा देखाउने प्रयास गर्दा क्यामेरा रामशरण उप्रेतीले चलाएका छन् । सार्वजनिक गीतमा स्वर सुगम पोखरेलको छ भने संगीत महेश खड्काको छ ।
डा। कविराज बान्तवाले प्रेमभाव बोल्ने गीतका शब्दहरु लेखेका हुन् । प्रदिप श्रेष्ठको निर्देशनमा बोल्ने फिल्म प्रेमकथामा आधारित छ । फिल्मको कथा मौनता श्रेष्ठले लेखेका हुन् । कार्यक्रममा बोल्दै निर्देशक श्रेष्ठले पछिल्लो पुस्ताको दर्शक लक्षित गरि सोहि प्रकारको कथामा बनेको फिल्मको गीत बाहिर ल्याएको बताए । अभिनेत्री आँचलले आकाशसँग काम गर्दा रमाइलो भएको तथा निकै मिलनसार र कामप्रति ुडेडिकेटेडु भन्दै आकाशको तारिफ गरिन् । आश्मा पाण्डेको निर्माणमा बनेको फिल्ममा आकाश र आँचलसँगै सुन्दर श्रेष्ठ, आयुष रिजाल, सुशिल क्षेत्री, धिरेन शाक्य, प्रिया रिजाल लिड अभिनयमा छन् । द्वन्द्व चन्द्र पन्तको रहेको फिल्मलाई अर्जुन जिसीले सम्पादन गरेका हुन् । उपत्यकामा गोविन्द शाही र मोफसलमा उज्जल पौडेल, मनोज राठीले ‘ब्ल्याक’लाई वितरणको जिम्मा लिएका छन् ।
