काठमाडौँ- अहिले मध्यरातमा एसियाकै चर्चित न्युरोसर्जन उपेन्द्र देवकोटाको निधनको खबर एकाएक भाइराल भएको छ । सामाजिक संजालमा एकाएक उक्त खबर भाइरल भएको हो । तर अन्नपूर्ण पोष्टका अनलाइन सम्पादक पत्रकार ज्ञानेन्द्र खड्काले दिएको जानकारी अनुसार देवकोटा अहिले आराम गरिरहेका छन् । तर यता सामाजिक संजालमा भने उनको मृत्यु भैसक्यो भन्दै स्टाटस राख्दै हार्दिक श्रदान्जली दिन हतार गरेका छन् ।
कतिले त उनको मृत्युको खबर लेख्न हतारिने भन्दै सामाजिक संजालमा आक्रोश पनि पोखेका छन् । यसरि एकाएक हल्ला चलेपछि पत्रकार ज्ञानेन्द्र ढुंगानाले आफ्नो फेसबुक वलमा परिवारसंगको फोन सम्पर्क पछि स्टाटस लेख्दै भनेका छन् :
न्यूरो अस्पताल बाँसबारीमा भर्खरै फोन गरेर सोधेँ, डा उपेन्द् देवकोटाको अवस्था के हो ? कस्तो छ उहाँलाई ? उत्तर आयो: उहाँमाथि (माथिल्लो तल्लामा) आराम गरिरहनु भएको छ, अहिलेसम्म नराम्रो खबर केही छैन । यता सामाजिक सञ्जालमा निधन भएको घोषणा गरेर श्रद्धाञ्जली दिइसके । धत्तेरी हामी र हाम्रो मानवीय सम्वेदना, मान्छे बाँचेको भन्दा चाँडो मरेको हेर्न चाहने उत्कृष्ट मानव जाति हामी !
