लिस्बन।
पछिल्लो २४ घण्टामा ३७ जनाले कोरोनाकै कारण ज्यान गुमाएका छन् भने ३ हजार ६२ जना संक्रमित भएका छन्।
हालसम्म १ लाख ४४ हजार ३४१ जना संक्रमित भएका छन् भने २ हजार ५४४ जनाले ज्यान गुमाएका छन्।
पोर्चुगलमा कोरोनाका सक्रिय बिरामीको संख्या बढेर ६० हजार २६ पुगेको छ। संक्रमितहरुमध्ये २ हजार १२२ जनाको देशका विभिन्न अस्पतालहरुमा उपचार भईरहेको छ। २८२ जना सिकिस्त बिरामीहरुको आइसीयुमा उपचार भईरहेको छ।
त्यस्तै हालसम्म ८१ हजार ७७१ जना उपचार पश्चात निको भईसकेको जानकारी स्वास्थ्य महानिर्देशनालयले आज आयोजित पत्रकार सम्मेलनमा जानकारी दिएको छ।
युरोपमा कोरोनाको दोश्रो लहरसंगै पोर्चुगलमा पनि संक्रमितहरुको संख्यामा निरन्तर वृद्धि भईरहेको छ। अक्टोबरको शुरुवातीसंगै दिनदिनै संक्रमित र मृतकको संख्यामा उच्च रेकर्डहरु बन्दै गएपछि पोर्चुगलमा कोरोनाका संक्रमितहरुको लागि स्थापना गरिनेका कोरोना अस्पतालहरु भरिभराउ हुन थालेका छन्।
स्वास्थ्य महानिर्देशनालयले दिएको जानकारी अनुसार देशभरका कोरोना अस्पतालका ८४ प्रतिशत बेडहरु बिरामीले भरिएका छन्। त्यस्तै जटिल प्रकृतिका बिरामीहरुलाई उपचार गर्न स्थापना गरिएका आइसीयु पनि ८१ प्रतिशत भरिभराउ भएका छन्।
